Macedonian Industrial Liberation Front

Nanohex на PK01

2010-06-30T17:34:00.003+02:00

Месецов излезе првото издание на српскиот лејбл Пуши Курац Рекордс, кој го води Игор од TECH a TECH екипата. На изданието, едноставно обележано како PK 01 учествуваат Lag, Non-Linear и Nanohex.

Промото може да се превземе од тука.

Нови изданија на Machinesaw и Nanohex

2010-04-19T13:23:00.007+02:00

Изминатиов период Nanohex и Machinesaw беа активни на две странски изданија.

Various Artists - Emissions Chapter I-V [Kalpamantra, 2010]

Компилација составена од многу dark ambient изведувачи и бендови, поделена на пет дела, како дел од промоцијата на британската куќа Kalpamantra. Дел од изведувачите се имиња кои се долго време присутни на сцената, додека некои се сосема нови и нивниот квалитет дури сега е презентиран на пошироката публика. Траките на Empusae, Svartsinn, Mind Necrosis Factor, Melek-Tha се само дел од тоа што може да се најде на оваа компилација. Nanohex учествува со "Metastatic" на вториот дел од Emissions. За бесплатно симнување на Emissions, клик тука. Kalpamantra веќе работи на следното издание кое би требало да се појави како ЦД во ограничен број.

Prognostic Combustion / Eligos / To-Bo / Machinesaw - 4 Way Split CD-r [Industrial Noise Records, 2010]

Нојз сплит ЦД-р издаден во ограничен број примероци од германскиот издавач Industrial Noise Records. Секој учесник на сплитот е претставен со три траки. Machinesaw се тука со "Putrid Mind Obstacle", "Bound In Wires" и "Fabrikwerk".

Моментално M.I.L.F. екипата работи на компилација на која ќе земат учество сите членови на М.I.L.F.

Дамјан Цветков-Димитров

2010-02-01T17:57:00.002+01:00

Дамјан Цветков-Димитров е име, зад кое стои човек кој тврди дека тоа е самиот себе. Користејки го тоа име, Дамјан Цветков-Димитров зачудувачки успева да добие извод од матично уште од најмала возраст, што наизглед не е воопшто поврзано со неговата музика, освен ако се земе во предвид дека своите други, повеќе музички ориентирани проекти/имиња сеуште не се верифицирани во матично и служат само да се диференцираат различните периоди и пристапи кон музиката. Дамјан Цветков-Димитров синтетизира braindance музика веќе 6 години, а неговата музика била пуштана на радио и била искористена во неколку кратки филмчиња и телевизиски реклами.

Simplexity е проект што веќе некое време постои и во главно се карактеризира со тврд и темелен Drum'n'Bass, Techcore, Downtempo, Ambient и слично.

@Defaultusername проектот има родено еден албум и едно EP за инди издавачката куќа PAS. @Defaultusername е неодамнешен проект и звучи како 12 нинтендо конзоли потполно поплавени во желатинско Braindance, Fakebit, 8bit, Glitch и eppilepticbreaks.

Audiot e привремен проект направен во соработка со сексуално фрустрирани и интелектуално иритирани машини, опишувајки го нивното искуство за луѓето и воопшто амбиентот преку Braindance, Circuitdance, Indietronica и Techno жанровите.

Дамјан станува дел од M.I.L.F. екипата во февруари 2010.

Autemu

2010-01-11T16:18:00.005+01:00

Autemu е биолошки генератор на експериментални idm/glitch/pop-like/noise звуци. Активно произведува звуци од јануари 2009 година, при што има издадено еден ремикс на канадскиот 8bit/idm/ambient артист Aliceffekt, во неговиот албум Lu's Floral Funeralis. Во секојдневието, Autemu се препознава под името Нина Георгиева.

Од јануари 2010, Autemu е официјално дел од M.I.L.F. екипата.

Autemu @ SoundCloud

Machinesaw и God Pollutes на 103ка, 19.11.2009

2009-11-19T16:37:00.002+01:00

Четврток 22:00 - 00:00, во емисијата "Каде оди Кина" на Канал 103, Machinesaw и God Pollutes во живо.

Nanohex, Damien & Implore Animosity @ BONY, 31.10.2009

2009-10-26T21:23:00.001+01:00

Лајв настап на Nanohex, плус сетови на Damien и Implore Animosity во "Bony", сабота 31.10.2009. Почеток во 21:30, влез бесплатен. Клик тука за ивентот на Фејсбук.

Nanohex дел од Astrum Argentum и Kalpa Mantra

2009-10-16T15:31:00.003+02:00

Nanohex е официјално дел од британските промотерски агенции Astrum Argentum и Kalpa Mantra, кои се занимаваат со промовирање на dark ambient и black metal на светско ниво, преку издавање ЦД компилации, организирање концерти, поврзување на бендовите со поголеми издавачки куќи и слични други активности кои би им помогнале на бендовите при промоција на нивната музика.

Astrum Argentum се задолжени за промоција на бендови како Kult ov Azazel, Merrimack, Inade и други имиња, кои уживаат култен статус во андерграунд сцената. Kalpa Mantra e всушност нов огранок на Astrum Argentum и се занимава исклучиво со dark ambient.

На МајСпејс профилите на двете агенции веќе има траки од EП-то на Nanohex, "Deep Space Explorer", издадено за Chaoz Records.

M.I.L.F. компилација за Industrial Culture Records

2009-10-16T15:12:00.000+02:00

Култниот лондонски лејбл Industrial Culture Records е повторно активен по скоро една година пауза, и од овој месец продолжува со издавање на 3" ЦД-а. Во 2007 година, Industrial Culture Records го издадоа ЕП-то на Nanohex, "The Brain Experiment" а овој пат ќе издадат компилација со членовите на M.I.L.F. Компилацијата би требало да се појави до крајот на оваа година.

Компилацијата ќе содржи траки на Nanohex, Machinesaw, Implore Animosity и God Pollutes.

Nanohex со PAS (US) и The Vultures (UK) @ Havana, 05.09.2009

2009-09-03T11:48:00.006+02:00

Во организација на F.R.I.K. PAS и The Vultures доаѓаат и во Скопје, како дел од нивната светска турнеја. На 5-ти Септември, ќе настапат во клубот Havana. Концертот почнува во 21:00 часот, влезот е бесплатен, а како домашна поддршка ќе настапaт Nanohex и A.Hz со Veronique.

PAS и The Vultures вчера имаа настап во Куманово, а вечерва се во 103-ка.

Линк до настанот на Фејсбук, каде што има повеќе информации за изведувачите.

Официјално!

2009-08-23T18:00:00.004+02:00

Фронтот официјално започна вчера вечерта со настапот на Nanohex и Implore Animosity во "Bony". Голем поздрав до Марчин и "Bony" екипата, како и до сите што присуствуваа вчера.

Пред некој ден е пуштен и форумот на Фронтот, прв македонски форум за овие музички жанрови. Секој е добредојден да се зачлени и да учествува во дискусиите.

Implore Animosity

Nanohex

Nanohex & Implore Animosity @ BONY, 22.08.2009

2009-08-13T23:25:00.005+02:00

Настанот со кој започнува дејствувањето на M.I.L.F. ќе се одржи во Bony (спроти Грчка амбасада), на 22-ри Август со почеток во 21:30 часот. Ќе настапат Nanohex и Implore Animosity.

Фала на Гоце за постерот.

Nanohex

2009-08-13T21:50:00.000+02:00

Nanohex е проект на Бојан Николов, кој со експериментирање со овие видови на музика започнува некаде во 2003-та година. Звукот кој го креира Nanohex е комбинација од повеќе жанрови, како dark ambient, drone, industrial и noise. Со издавање на музика е активен од 2007 и до сега има реализирано повеќе ЕП-ја, сплитови, компилации како и албумот од 2008, симболично именуван Terrordrone, издаден за германската издавачка куќа SkullLine Records. Има соработувано со повеќе артисти, меѓу и кои јапонскиот cyberpunk гуру Kenji Siratori. Во 2008 станува дел од бендот Machinesaw, a од 2009 почнува со разни настапи.

MySpace | last.fm

Implore Animosity

2009-08-13T21:09:00.000+02:00

Implore Animosity е industrial/ebm/cyber проект кој што егзистира од 2005/2006. Во принцип веќе наведените жанрови се основата за овој проект, но постојано се комбинира со рановидни жанрови, како на пример од Irish Celtic до класична музика и алтернативна музика. Oваа година станува дел од Jack Module проектот кој што го негува audio/visual пристапот и музички е поблизок до малку поразлични жанрови како што се dubstep и industrial во комбинација со jazz, blues и synthpop.

До сега зад себе има неколку настапи (самостојни и како дел од Jack Module) низ скопските локали. Сега засега нема официјални изданија, со исклучок на неколку компилации на коишто се има појавено.

MySpace | last.fm

God Pollutes

2009-08-13T19:22:00.001+02:00

God Pollutes е амбиентален проект на Дамјан Крстески, кој се темели на интензивно гитарско експериментирање со разновидни жанрови кои се граничат со post-rock. Досега има реализирано две ЕП-ја за странски издавачки куќи, The Flood и Blinding Lights As You Leave Her. Meѓу овие изданија, God Pollutes зема учество и на неколку noise компилации. Стилот постојано се менува, а се планирани и настапи со целосен бенд кои би требало да започнат до крајот на 2009-та.

MySpace | Last.fm

Machinesaw

2009-08-13T18:58:00.001+02:00

Machinesaw е производ на соработката помеѓу Бојан Николов (Nanohex) и Дамјан Крстески (God Pollutes). Станува збор за многу поинаков проект од нивните постоечки проекти, инспириран главно од јапонската noise сцена, односно имиња како Merzbow и Masonna. Маchinesaw не се ограничуваат само на овој жанр, бидејќи голем дел од нивниот материјал е комбиниран со други жанрови како industrial и drone. Покрај неколкуте компилации и сплитови, имаат едно самостојно издание, Abomination of Flesh, издадено минатата година за полската куќа Kultura Industrialna. Досега имаат само еден настап, на скопскиот Constructor фестивал.

MySpace | last.fm